Löggilding!
Í dag bárust okkur þær frábæru fréttir að Alþjóðleg ættleiðing væri komin með löggildingu vegna fyrsta sambands okkar, sem er við Pólland. Þetta er að sjálfsögðu mikið fagnaðarefni og þýðir að á næstu mánuðum getum við byrjað að taka á móti umsóknum til Póllands.
Fram að því þurfum við að heimsækja yfirvöld í Póllandi, undirbúa umsóknarferlið og hefja formlega störf. Þar sem markmið okkar voru að vera búin að fá löggildingu fyrir lok ársins 2009, er hér sannarlega um frábæran árangur að ræða og þökkum við öllum sem lögðu hönd á plóg.
Á næstu vikum má einnig búast við breyttri ásýnd félagsins hér á heimasíðunni, þar sem hún verður gerð skilvirkari og betri til miðlunar upplýsinga.
Kæru félagar, þar sem allt starf félagsins er unnið í sjálfboðavinnu og kostnaður við öflun sambanda og stofnun félagsins er töluverður, værum við ykkur mjög þakklát ef þið mynduð skrá ykkur í félagið eða styðja það á annan hátt.
Allar upplýsingar undir “Um félagið”.
Meiri fréttir mjög fljótlega.
Entry filed under: Fréttir. Tags: .
4 Ummæli Add your own
Skildu eftir svar
Trackback this post | Subscribe to the comments via RSS Feed
1. Kristín Svala Jónsdóttir | 13/05/2009 klukkan 17:50
Alveg frábærar fréttir
Það er allt hægt ef viljinn er fyrir hendi !
Kv. Kristín Svala
2. Ingibjörg Valgeirsdóttir | 13/05/2009 klukkan 17:54
Frábærar fréttir!!! Til hamingju Ísland og bestu þakkir til ykkar!!
3. Hulda | 13/05/2009 klukkan 18:02
Innilega til hamingju með löggildinguna!
Gangi ykkur vel með framhaldið.
4. Gilla | 15/05/2009 klukkan 21:04
Innilegar hamingju óskir með þennan stóra áfanga. Þið eigið stórt hrós skilið fyrir frábært starf, allt hægt þegar viljin og eljan er til staðar.